النكت المغربية 2015

 المعلم كيخربق :

واحد الولد مكلخ قال لباباه: المعلم ديالنا غير كيخربق، البارح قال لينا خمسة تساوي جوج زائد تلاتة، واليوم 

 قال لينا خمسة تساوي واحد زائد ربعة.

 موجد النقيل :

هادا واحد مكلخ دخل يدوز الامتحان

خرج ليه واحد السؤال كان موجد ليه النقيل

ناض المكلخ لصق ف ورقة الامتحان النقيل اللي كان موجدو.

ما نشوفوكش أزين :

هادا واحد تابع وحدة، وبدا عليها: ما نشوفوكش أزين، حنا عندنا الديور، وعندنا المحلات، وعندنا الطوموبيلات...

دارت البنت وغير بانت ليه خايبة، وهو يقول ليها: ولكن خسارة، بعنا كلشي

مشى ما رجعش :

واحد الدري مدة ما شاف صاحبو، وقال يمشي لدارهم باش يسول عليه.

ملي دق، حلات ليه أم صاحبو، وسولها عليه، قالت ليه: أولدي من واحد النهار سخرناه يجيب اللحم ما رجعش.

قال ليها الدري: لا إله إلا الله! واشنو درتو؟

قالت ليه أم صاحبو: الدجاج